قصيدة... ساعات الإنتظار
لحد إمتا هفضل وحيده منسيه
أسهر ليلي والساعات تطول بيا
أدور علي الحبيب كل ليله معديه
وأتمني أشوفه بأحلامي دقيقه او ثانيه
طال الإنتظار وأنا لسه مستنيه
الحلم يصبح حقيقة وتبقي ليا
والليالي الصعبه تجري بسرعه
لما يا حبيبي تتملي بيك عنيا
آه من لوعة الحب وعذابه
وتعب القلب لحظة ما يدق لأحبابه
وجفا الحبيب لما يسكت ويقفل بابه
ويسيبك يا قلبي وحيد تنول عقابه
أنا خايفه يجي يوم عليا و أنساك
مفتكرش قلبي هيتحمل تاني أذاك
ياما بعت ليك وقولت خليني معاك
لكن شكلي من اليوم هكون براك
الحلم أتمنع وصبح بداله أوهام
والقلب أتوجع بعد ماكان فرحان
والحبيب واقف بعيد عاجز اللسان
كل حاجه أتغيرت والأمل مات كمان
